विष्णु रिमाल
हाम्रो मातृभूमि प्रतिको दायित्वलाई आत्मसाथ गर्दै भूपरिवेष्ठित मुलुक नेपाललाई अन्तरिम संविधानको भरमा लामो समयसम्म शासित नगराउनका लागि चाँडो भन्दा चाँडो संविधान निर्माणको ऐतिहसिक कार्यभार पुरा गर्नु जरुरी छ ।
प्रत्येक राजनैतिक परिवर्तन र उपलव्धीमा आम नेपाली जनताको उत्साह र त्याग नै निर्णायक वन्ने गरेको हाम्रो इतिहास सर्वविदितै छ । हाम्रो देशमा सवल राजनैतिक नेतृत्वको कमी इतिहास देखि नै खड्किएको कुरा हामी सबैलाई थाहा छ । प्रत्येक राजनैतिक परिवर्तनमा राजनैतिक दल र तिनका नेतृत्व कर्ताहरु साधन होइन साध्य मात्र वन्ने गरेका छन । यदि जनतामा राजनैतिक चेतना नआउने हो भने राजनैतिक नेतृत्वको झण्डामुनी बसेर परिवर्तनको अपेक्षा गर्नु व्यर्थको प्रतिक्षा मात्र हुनेछ ।
जनताको साठी वर्ष देखिको लामो संघर्षका कारण प्राप्त उपलब्धी संविधान सभाको चुनाव भएको २८ महिना व्यतित भइसकेको छ । तर अगामी जेठ १४ गते सम्ममा नेपालले नयाँ संविधान प्राप्त गर्छ वा ग्रर्दैन अझै निश्चत हुन सकेको छैन । गत जेठ १४ गते राती ११:३० बजे संविधान सभाको म्याद थपेर १ वर्ष सम्म संवैधानिक रित्ततावाट वचेको मुलुकमा उक्त रातीको ३ वुँदे सहमती पश्चात राज्यले नयाँ सहमतीको राजनीति प्राप्त गर्ला भन्ने ठूलो अपेक्षा जनताले गरेका थिए । तर राजनैतिक नेतृत्वको अकर्मन्यताका कारण देशले सहमतीय राजनिति प्राप्त गर्नु त कता हो कता वर्तमान प्रधानमन्त्री माधव कुमार नेपालले राजिनामा गरेको दुई महिना विति सक्ता पनि नयाँ सरकार समेत प्राप्त गर्न सकेको छैन । यो भन्दा विडम्वना के हुन सक्छ ?
राजनैतिक नेतृत्व सत्ताको सुमेरु वरिपरी घुमेर आफूलाइृ सत्ताको छेउवाट १ इन्च पनि पर राख्न चाहँदैन । त्यसैले ५ पटक सम्म प्रधानमन्त्री चुनाव हुँदा समेत मुलुकले नयाँ प्रधानमन्त्री प्राप्त गर्न सकेको छैन । सायद प्रधानमन्त्री निवाचनको ५ पटक सम्म असफल प्रयास भएको मुलुक हाम्रो नै होला । त्यसैले पटक पटक यस्तो असफल प्रयासको निरन्तर रिहर्सल गर्नुको कुनै औचित्य छैन । राजनैतिक नेतृत्वले आफूलाई सत्ता राजनितिबाट टाडा देख्न सक्ने क्षमता समेत राख्नु पर्दछ ।
अघि माथिनै उल्लेख भइसकेको छ की देशका हरेक महत्वपूर्ण परिवर्तनमा राजनैतिक नेतृत्व साध्य मात्र बनेको छ । जनता साधन वन्ने गरेका छन । त्यसैले अव देशलाई नयाँ संविधान निर्माण गर्न समेत हामी आम नेपालीले फेरी एकपटक आवाज बुलन्द गर्ने वेला आएको छ । वा भनौं हामीले चुनेर पठाएका सभासद दललाई संविधान निर्माणको ऐतिहासिक कार्यभारमा केन्द्रित हुन दवाव दिने वेला आएको छ ।
हामी सबै देशले के दियो भन्दै मातृभूमी प्रति सराप गर्न पछि पर्दैनौ । तर देशलाई हामीले के दियौ भनेर भने कदापी पनि सम्झने गर्दैनौ । यो हामीले मातृभूमी प्रति गरेको धोर अन्याय हो । त्यसैले मातृभूमी प्रतिको हाम्रो ऋण तिर्न सदैव हामी सवैले योगदान दिनु जरुरी छ ।
मातृभूमीको ऋण तिर्नु भनेको संकटको घडीवाट मातृभुमीलाई मुक्ति दिलाउन कोसिस गर्नु हो । यदि हामीले मुलुकलाइ संकटबाट छुटकारा दिन सक्यौ भने हामी साँच्चिकै असल नागरिक भनेर इतिहासका पानामा लिपिवध्द हुने छौ । अहिलेको अवस्थाको संकट भनेको आोझेलमा पर्दै गएको संविधान निर्माण प्रक्रियालाई अगाडी वढाउनु हो ।
“जव सम्म जनता जाग्दैनन् देशले मुत्ति प्राप्त गर्न सक्दैन” त्यसैले देशको मुक्तिका लागि हामी सबै जाग्नु जरुरी छ । अहिले जाग्नु भनेको संविधान निर्माणका लागि हामीले चुनेर पठाएका सभासदलाइ एकतृत गरेर संविधान निर्माणमा केन्द्रित हुन दवाव दिनु हो । त्यसैले हामी सवैले आ-आप्नो ठाउँवाट कतिको दवाव दिन सक्छौ । त्यसमा संविधान निर्माणको प्रक्रिया अडेको छ । यदि हामीले दलहरुलाई दबाब दिन सकेनौ भने आगामी जेठ १४ गते सम्ममा त के वर्षौ सम्म पनि हामी संविधान निर्माण गर्न सक्दैनौ । त्यसैले आउनु होस हामी सबैले हातमा हात मिलाएर संविधान निर्माणका लागि दवाव दिऔ ।
0 comments:
Post a Comment